Enillwyr RE:animate, Arddangosfa Agored Oriel Davies 2010

Pia Borg, Palimpsest, 2009

Mae’n bleser gan Oriel Davies gyhoeddi enillwyr ei phedwaredd arddangosfa biennial agored, RE:animate. Mae pedwar o’r tri deg naw o artistiaid oedd yn arddangos wedi derbyn gwobrau yn ystod lansiad agoriadol y sioe, a chyflwynwyd y wobr yn ffurfiol iddynt gan Brif Noddwr Re: animate, Whittingham and Riddell.

Y gwobrau a ddyfarnwyd oedd; Gwobr 1af Whittingham Riddell o £1000 am yr enillydd cyffredinol Pia Borg, gwneuthurwr ffilmiau sydd wedi’i leoli yn Llundain; Gwobr 1af i Fyfyrwyr o £500 a ddyfarnwyd i Sibyl Montague, myfyriwr sydd hefyd wedi’i lleoli yn Llundain. Cynigiwyd sioe unigol yn Oriel Davies yn ystod tymor yr haf 2011 i’r ddau artist yma. Dyfarnwyd yr 2il Wobr gyffredinol o £500 i John R. Burns, o Coventry, tra cyflwynwyd £250, yr ail Wobr i Fyfyrwyr, i Savinder Bual.

Dyfarnwyd Gwobr Dewis y Bobl o £200 i Sibyl Montague, am ei gwaith o’r enw 'Last Island'. Noddwyd Gwobr Dewis y Bobl o £200 yn hael gan Newtown Station Travel.

Cyhoeddwyd 29 Mehefin 2010
Newyddion >