Fantasy is a Place Where it Rains

Patrick Farmer a Sarah Hughes

17 Ebrill 2010 - 09 Mehefin 2010

Image 1 of 4 next >   Patrick Farmer and Sarah Hughes, 'Fantasy is a Place Where it Rains', 2010 (installation detail)

Mae’r artistiaid Patrick Farmer a Sarah Hughes gweithio’n unigol a gyda’i gilydd mewn ymateb i’r amgyl-chedd, i ddatblygu a gwella ein hymwybyddiaeth ohono. Mae’r modd y maen nhw’n gosod ystumiau barddol yn annog y gwyliwr i ailasesu eu perthynas arferol gydag elfennau amgylcheddol cyfarwydd.

Mae’r artistiaid Patrick Farmer a Sarah Hughes o’r Drenewydd, sy’n gweithio ar y cyd, yn ceisio cipio cylchoedd bywyd cyfnewidiol Afon Hafren. Bydd y rhain yn cael eu dangos i gynulleidfa Test Bed drwy gyfuniad o luniadau, recordiadau o synau hydroffonig a deunydd ffisegol i ddangos cwrs hunanreolaethol yr afon o’i tharddiad yng nghoedwig Hafren at ben ei thaith ym Môr Hafren.

Caiff cyfres o ‘luniadau afon’ eu cyflwyno i ni sy’n dangos toreth o weadau tebyg i’r afon. Efallai nad yw’r rhain yn cael eu gweld bob tro fel cydrannau endidau hylif, er y mae’n amlwg mai rhan yn unig o’r stori yw’r lluniadau llonydd. Amrywiaeth gweadau’r afon yw’r peth mwyaf amlwg ar hyd ei chwrs. Ei gwahanol begynau yw’r enghreifftiau mwyaf dramatig - y dechreuad diarffordd, corslyd a’r diwedd diwydiannol cyflym.

Mae’r afon yn hollol wahanol ar ei ffurf sain. Mae sŵn yn cael ei greu gan rwystrau ar wely’r afon ac er ein bod yn dechrau gwau’r darnau at ei gilydd, mae’r afon yn dal i lithro o’n gafael.

Mae amrywiaeth y cyfryngau’n adlewyrchu ymatebion unigol yr artistiaid i’r afon a, drwy gasglu’r gwaith at ei gilydd, rhoddir syniad i’r gynulleidfa o gymhlethdod bodolaeth fyrhoedlog y ffenomenon naturiol hon. Mae’r gwaith aml ddisgyblaeth hefyd yn rhoi golwg fwy realistig o nodweddion aml wynebog yr afon a’i symudiadau rhythmig. Mae hanesion daearyddol a diwylliannol yn ystyriaethau pellach a hefyd, y ffyrdd y gellid dangos yr afon. Drwy’r gweithiau hyn, mae’r artistiaid yn gobeithio y bydd y gynulleidfa’n dechrau gwerthfawrogi’r angen am gynyddu ymwybyddiaeth, ac y gallem ddechrau holi ynghylch ein sefyllfa mewn perthynas â’r hyn sydd o’n cwmpas.

Mae Oriel Davies yn ddiolchgar i Sefydliad Esmée Fairbairn am gefnogi’r fenter hon yn hael.
 

Yn cefnogi gwaith newydd ac arbrofol sy’n cael ei ddatblygu gan artistiaid yng Nghymru a’r Gororau.